Никогаш доста од празнични колачиња. Не знам за Вас, но јас уживам во нивната подготовка, дури и во доцните часови од ноќта кога сите спијат, а јас копнеам за нешто благо.
Денешните колачиња се направени со две состојки кои одлично се надополнуваат една со друга и се една од најчестите комбинации, не само за колачи, туку и за други типови на десерти. Освежувачката еуфорија од портокалот заедно со крцкавата текстура и мирис на бадемите, се совршена симбиоза на компоненти за создавање на овие ароматични колачиња. Поради гризот и путерот се супер ровки и се топат во уста, па воопшто не се сомневам дека навистина ќе Ви се допаднат. Можете да ги чувате и по неколку дена бидејќи колку повеќе стојат, толку се повкусни.
Празнични колачиња со бадеми и портокал
Поради гризот и путерот сесупер ровки и се топат во уста, па воопшто не се сомневам дека навистина ќе Висе допаднат. Можете да ги чувате и по неколку дена бидејќи колку повеќе стојат,толку се повкусни.
- 150 г путер
- 120 г шеќер
- Кора од 1 портокал
- 150 г гриз
- 100 г брашно
- 1 лажичка прашок за печиво
- 60 г ситно сечкани бадеми
- Во длабок сад изматете го путерот заедно со шеќерот и ванилата.
- Додајте ја кората од портокал и промешајте. Додајте ги гризот, брашното, прашокот за печиво и сечканите бадеми.
- Промешајте и со помош на две лажички нанесете од смесата во тавче обложено со хартија за печење.
Печете во загреана рерна на 180 степени околу 10 минути.
Добар апетит и забавно готвење!
Здраво! Се викам Давор и добродојдовте во мојот дел од рајот.Прв пат започнав со печење и готвење одамна за да ги зачувам омилените рецепти , но тоа се разви во нешто што стана голем дел од мојот живот .Сите јадења се инспирирани од рецептите на баба ми и мајка ми, излегувања или само од она што јас ќе го најдам во фрижидерот. Со користење на едноставни , свежи состојки, можете да создадете вкусни , софистицирани и брзи јадења за вас и вашето семејство .
