Тирамисуто е своевиден софистициран грев. Колку и да сакате да не паднете во искушението на овој десерт, едноставно е невозможно бидејќи вешто ве мами како со својот вкус, така и со навистина краткото време за подготовка. Кога се изгледа така просто и практично, зарем може да му се рече не?
Ако досега сте правеле тирамису, најверојатно сте користеле маскарпоне. Сепак, мојата верзија е малку поедноставнa, по достапна, но подеднакво примамлива и безобразно вкусна.
Совет плус: доколку не се брзате, оставете го десертот во ладилникот преку ноќ и сервирајте го следниот ден. На овој начин пишкотите целосно ќе го попримат еспресото и ќе добиете превкусна кремаста целина.
Торта без печење
Ако досега сте правеле тирамису, најверојатно сте користеле маскарпоне. Сепак, мојата верзија е малку поедноставнa, по достапна, но подеднакво примамлива и безобразно вкусна.
- 400 г пишкоти
- 1 шолја јако еспресо
- 4 кесички за шлаг пена
- 500 мл млеко
- 1 лажичка екстракт од ванила
- 150 г квалитетно бело чоколадо
- 70 г квалитетно црно чоколадо
Во длабок сад изматете ги кесичките шлаг заедно со млекото и ванилата.
Од овој шлаг одделете 5 лажици во друг сад, а во оној каде што ќе остане другиот дел од шлагот, додадете го растопеното бело чоколадо. Добро промешајте и оставете на страна.
Во садот со 5-те лажици од шлагот додајте го црното чоколадо растопено на пареа. Промешајте и оставете на страна.
Во длабок сад наредете ги пишкотите така што прво ќе ги потопите во еспресо. Наредете еден слој со пишкоти, а потоа нанесете половина од белиот фил. Наредете уште еден слој со пишкоти потопени во еспресои додајте го вториот дел од белиот фил.
Одозгора нанесете го внимателно темниот дел од филот и распределете го по целата површина. Оставете тирамисуто да се стегне 4 часа или преку ноќ во ладилник.
Добар апетит и забавно готвење!
Здраво! Се викам Давор и добродојдовте во мојот дел од рајот.Прв пат започнав со печење и готвење одамна за да ги зачувам омилените рецепти , но тоа се разви во нешто што стана голем дел од мојот живот .Сите јадења се инспирирани од рецептите на баба ми и мајка ми, излегувања или само од она што јас ќе го најдам во фрижидерот. Со користење на едноставни , свежи состојки, можете да создадете вкусни , софистицирани и брзи јадења за вас и вашето семејство .
