Ве уверувам дека овој десерт ќе ве освои уште на првото залче!
Класичниот чизкејк освојува со својот префинет вкус. Но овојпат, миксот на ровка и кремаста текстура доаѓа во форма на мафини. Плех или калап за мафини, изборот е ваш. Едно е сигурно-овој рецепт ќе ги освои вашите сетила! Дали би се согласиле со мене?
Чизкејк мафини со лимон
Ве уверувам дека овој десерт ќе ве освои уште на првото залче!
За подлогата од бисквити:
- 150 гр. мелени бисквити
- 5 лажици растопен путер
За чизкејк смесата:
- 450 гр. неутрално крем сирење (на собна температура)
- 100 гр. шеќер
- 2 јајца
- сок од 1 лимон
- кора од 1 лимон
- 2 лажички екстракт од ванила
За декорација:
- 250 гр. млеко
- 2 кесички за шлаг
- 1 лажичка екстракт од ванила
- малини
- гранчиња свежо нане
- Во длабок сад промешајте ги заедно мелените бисквити и растопениот путер. Потоа, во калап за мафини наредете корпици за мафини и наполнете по 1 лажица од смесата со бисквити. Со помош на мала чашка стиснете така што, ќе ја израмните подлогата со бисквити и растопен путер.
- Во блендер или сад со миксер, ставете го крем сирењето, шеќерот, јајцата, сокот и кората од лимон и екстрактот од ванила. Добро изблендирајте или изматете со миксер додека не се соедини целата смеса. Од оваа смеса наполнете ги корпите за мафини, така што би биле полни 3/4 од целиот простор.
- Печете во загреана рерна од 170 степени околу 15-17 минути. Оставете комплетно да се изладат, а потоа одстранете ги корпите за мафини.
Во сад на страна изматете цврста шлаг пена од млекото, кесичките за шлаг и ванилата. Изматениот шлаг префрлете го во готварски шприц и нанесете на секое парче од чизкејк мафините. Декорирајте со малина и гранче свежо нане.
Добар апетит и забавно готвење!
Здраво! Се викам Давор и добродојдовте во мојот дел од рајот.Прв пат започнав со печење и готвење одамна за да ги зачувам омилените рецепти , но тоа се разви во нешто што стана голем дел од мојот живот .Сите јадења се инспирирани од рецептите на баба ми и мајка ми, излегувања или само од она што јас ќе го најдам во фрижидерот. Со користење на едноставни , свежи состојки, можете да создадете вкусни , софистицирани и брзи јадења за вас и вашето семејство .
