Ако вашите непца копнеат по богат вкус на чоколадо и кремаста текстура, тогаш овој чоколаден мус ќе стане вашиот омилен рецепт. Ги задоволува критериумите дури и на најголемите чоко-холици.
Ако редовно ги следите моите рецепти, сигурно сте забележале дека често подготвувам различни верзии на чоколаден мус. Поради богатиот вкус препорачливо е да го сервирате во мали количини. Јас се одлучив за мала стаклена чаша, додадов бисквити, и го декорирав со малини и гранче нане.
Дали знаевте дека малините одлично одат во пар со чоколадо? Доколку не сте пробале сеуште, сега е вистинскиот момент. Ве предизвикувам и вас да го направите овој превкусен десерт!
Потребни состојки:
150 гр чоколадо за готвење
1 кесичка за шлаг
1 лажичка екстракт од ванила
125 мл. Млеко
колачиња
За декорација:
1 кесичка шлаг
125 мл. млеко
2 лажици какао
малини и
гранчиња нане
Во сад на пареа растопете го чоколадото и тргнете го на страна. Во друг сад изматете го шлагот со млекото и екстрактот од ванила. Додадете ја растопената, но изладена чоколада и промешајте нежно така што би задржале што повеќе воздух во смесата.
Во чашка ставете колаче , па додадете од смесата од чоколадниот мус , додадете колаче па мус, колаче и се така додека не ја наполните чашата. Наполнете повеќе чаши. Декорирајте ги со шлаг изматен со какао и ставете малина и гранче нане.
Здраво! Се викам Давор и добродојдовте во мојот дел од рајот.Прв пат започнав со печење и готвење одамна за да ги зачувам омилените рецепти , но тоа се разви во нешто што стана голем дел од мојот живот .Сите јадења се инспирирани од рецептите на баба ми и мајка ми, излегувања или само од она што јас ќе го најдам во фрижидерот. Со користење на едноставни , свежи состојки, можете да создадете вкусни , софистицирани и брзи јадења за вас и вашето семејство .
